చాలా కాలంగా ఎదురు చూస్తున్న 'ఎరౌండ్ ది వరల్డ్ ఇన్ 80 డేస్' చిత్రాన్ని జూల్స్ వెర్న్ రచించిన నవల ఆధారంగా మైఖేల్ టాడ్ నిర్మించాడు. మైఖేల్ ఆండర్సన్ దర్శకత్వం వహించాడు.
ఈ చిత్రానికి కథాస్థలం లండన్. కథాకాలం 1872. విమానాలు లేని ఆ రోజులలో ఒక పెద్ద మనిషి 80 రోజుల్లో భూప్రదక్షిణం చేసి వస్తానని మిత్రులతో 20 వేల పౌనులకు పందెం కాశాడు. ఒక విదూషకుడిని, ఒక చిన్న బస్తాడు నోట్ల కట్టలనీ వెంట తీసుకుని యాత్ర ప్రారంభించాడు. బెలూన్లు, బస్సులు, రైళ్ళు, ఓడలు, స్లెడ్జి బళ్ళు, గుర్రాలు, ఏనుగులు ఇత్యాది నానారకాల వాహనాలలో ప్రయాణం చేసి, అనేక ఆపదలకు గురియై చివరకు పందెం గెల్చుకుంటాడు. ఈలోగా అతనికి యాత్రలో ఒక ప్రేయసి తటస్థ పడుతుంది. ఈ భూప్రదక్షిణంలో వారు చూచిన వింతలనూ, ప్రకృతి దృశ్యాలనూ, అనుభవించిన కష్టాలనూ, చేసిన సాహసాలనూ చిత్రిస్తుంది ఈ చిత్రం.
Copyright © 2021 nanduri.com | All Rights Reserved | Site designed and maintained by CodeRhythm Works